अजब गजब: शादीशुदा महिला ल होइस महिला ले मया, पति ल छोड़ के होइस घर ले फरार

दिल्ली, 11 जुलाई 2020। आजकल इश्क घलो लोगन मन ले जइसन नई सोचबे वइसन करा देथे। अइसे ही एक अजब-गजब मामला म एक शादीशुदा महिला दूसरा महिला ले अतेक मया कर बैठिस कि वो अपन पति ल घलो छोड़ दिस अउ घर ले फरार होगे। भिलाई शहर के रानीतराई इलाका के रहइया एक युवती पिछला छै महीना ले घर ले लापता रिहिस। पुलिस ल आशंका रिहिस कि शायद युवती मानव तस्कर मन के हाथ न लग गे हो। पुलिस ल आखिरकार युवती के पता चलिस। जब पुलिस युवती के लोकेशन हैदराबाद म पहुंचिस त वहां के नजारा देख के पुलिस के होश उड़गे। दरअसल ये युवती एक अन्य महिला के संग बकायदा पति पत्नी के तरह राहत रिहिस। अब पुलिस ह घलो ये सीन देख के अपन माथा पीट लिस। पुलिस ह जब युवती ले घर वापस चले बर कहिन त युवती ह पुलिस के संग वापस लहुटे ले मना कर दिस। एखर पीछू के वजह जान के पुलिस टीम घलो हैरान रहिगे। युवती ह एक महिला ले समलैंगिक बिहाव कर ले रिहिस। लगभग पंद्रह दिन पहली दुनो भाग के हैदराबाद गे रिहिस। उहँचे बिहाव करे के बाद दुनो पति-पत्नी के जिंदगी गुजारत हे। पुलिस ये अजब गजब प्रेम कहानी ल देख के हैरान हे।