नारायणपुर : अबूझमाड़ म मसाहती सर्वे के किसान मन ह पहली पईत बेचिन समर्थन मूल्य म धान

नारायणपुर, छत्तीसगढ़ राज्य के अबूझमाड़ क्षेत्र घोर नक्सल प्रभावित क्षेत्र हे, जेकर सेती इहां कभू प्रशासन अऊ पुलिस के टीम नइ पहुंच सकत रहिस। माननीय मुख्यमंत्री श्री भूपेश बघेल के बताए रद्दा के मुताबिक नारायणपुर जिला प्रशासन धीरे-धीरे ये क्षेत्र म पहुंचत हे, अऊ किसान मन ल शासन के कई ठन जनकल्याणकारी योजना-कार्यक्रम मन ले लाभान्वित करत हे। पूरा प्रदेश संग नारायणपुर जिला म 1 नवम्बर ले धान के समर्थन मूल्य म खरीदी करे जात हे। समर्थन मूल्य म धान के खरीदी ये पईत मैदानी क्षेत्र मन बर सामान्य बात होही, फेर अबूझमाड़ के किसान मन बर ये एक तिहार के जइसे हे। ये पइत के धान खरीदी ए किसान मन बर एक अलगे उम्मीद के किरण लेके आए हे। अबूझमाड़ के 2 हजार 193 किसान मसाहती खसरा मिले के बाद ये पइत पहली पईत धान बेचहीं। अइसन किसान मन ले मसाहती सर्वे के आधार म शासन कोति ले समर्थन मूल्य म धान के खरीदी करे जात हे।

लउछरहा..