मसाहती गांव मन के किसान मन ल कृषि विभाग ह बांटिस धान अऊ मक्का बीज

नारायणपुर, जिला के अति संवेदनशील विकासखंड ओरछा के गांव वाले मन ल शासन के कई ठन योजना मन ले जोड़के लाभान्वित करे बर मसाहती सर्वे के काम शासन-प्रशासन कोति ले करे जात हे। सर्वे के पाछू गांव वाले मन ल कृषि, सौर ऊर्जा, शिक्षा, जाति, निवास, बैंक संबंधी काम करे म सुविधा मिलत हे। इही कड़ी म बीते दिन कृषि विभाग कोति ले कंदाड़ी, कुरूषनार, कोडोली, आकाबेड़ा अऊ नेडनार के किसान मन ल धान, मक्का बीज के वितरण करे गीस। कलेक्टर श्री ऋतुराज रघुवंशी ह अधिकारी मन ल हुकुम देहे हें कि मसाहती सर्वें अंतर्गत अवईया किसान मन, गांव वाले मन ल शासन के सबो योजना मन के लाभ देहे जाये, जेखर ओ मन हकदार हें। ए गांव मन के किसान मन ल खेती-किसानी म मदद करे बर ऊंखर खेत मन म बोर खनन के घलोक काम करवाए गए हे।