सक्ती जिला म सामूहिक पौधरोपण महाअभियान के होइस आयोजन

कलेक्टर, सीईओ, कई झन जनप्रतिनिधि मन संग जिला के निवासी मन ह सामूहिक पौधरोपण महाअभियान म बढ़-चढ़ के भाग लीन
सक्ती, जिला म सामूहिक पौधरोपण महाअभियान के आयोजन करे गीस। कलेक्टर श्री अमृत विकास तोपनो, जिला पंचायत मुख्य कार्यपालन अधिकारी श्री वाशु जैन, कई जनप्रतिनिधि, गांव वाले मन, महिला मन, युवा मन, सियान मन संग बड़ संख्या म जिला के निवासी मन ह सामूहिक पौधरोपण महाअभियान म बढ़-चढ़ के भाग लीन अऊ कई प्रजाति के पौधा लगाइन। सामूहिक पौधरोपण महाअभियान के तहत कलेक्टर अऊ जिला पंचायत सीईओ ह जनप्रतिनिधि अऊ गांव वाले मन के उपस्थिति म नवापाराकला म पहुंचके पौधरोपण करिन। एखरे संग वन विभाग ह विकासखंड सक्ती अंतर्गत आमनदुला के मंडी प्रांगड़ म वन महोत्सव के भव्य आयोजन करिस। जेमे बड़ संख्या म जनप्रतिनिधि अऊ अधिकारी कर्मचारी मन ह पौधरोपण करिन।
सामूहिक पौधरोपण महाअभियान के तहत जिला म सक्ती, डभरा, मालखरौदा, जैजैपुर सबो विकासखण्ड म वृहद स्तर म पौधरोपण अभियान के आयोजन करे गीस। एखरे संग मनखे मन ल कई प्रजाति के पौधा के बांटे घलोक गीस। सामूहिक पौधरोपण महाअभियान अंतर्गत मार्कफेड विभाग अंतर्गत जिला के सबो संग्रहण केंद्र मन म, जिला के डोलोमाइट अउ लाइमस्टोन माइनिंग एरिया म, जिला के कई ठन विद्यालय मन म, जिला के कई ठन सार्वजनिक जगा मन म, आयुर्वेद विभाग के माध्यम ले जिला के सबो 23 आयुर्वेद डिस्पेंसरीज ह कई प्रजाति के पौधरोपण करिस।