मुख्यमंत्री श्री भूपेश बघेल 22 ले 24 अपरेल तक ले आयोजित माता कौशल्या महोत्सव के पहिली दिन करही लोकार्पण
लईट अउ लेजर शो के माध्यम ले श्रद्धालु मन ह जानही भगवान श्री राम के वनवास के किस्सा कहानी
देश म सिरिफ एक ठ मंदिर माता कौशल्या मंदिर रईपुर के चंदखुरी म इस्थित हे।
माता कौशल्या माता धाम म तीन दिवस के महोत्सव के तियारी जोर सोर ले चलत हे
रायपुर, नेहा राठौर के खबर/ रायपुर के चंदखुरी म इस्थित माता कौशल्या धाम म 22 ले 24 अप्रेल तक तीन दिनबके महोत्सव के आयोजन करे जाथ हे। सनिचर के दिन ए महोत्सव के सुभारंभ अवसर म श्रद्धालु मन ल एक त नवा रोमांच के अनुभव घलो देखे ब मिलही। राम वनगमन पर्यटन परिपथ के अनतरगत चंदखुरी के कौसिल्या धाम परिसर म बिकास के काम करे जाथ हे तेकर अनतरहत 10 करोड़ के लागत ले तीयार वॉटर, लेजर, लईट अउ साऊण्ड शो के सुभारंभ करे जाथ हे जेला मुख्यमंत्री श्री भूपेश बघेल ह करही । महोत्सव के तियारी हो गए हे।
छत्तीसगढ़ के शस्य श्यामला भूइंया म रामायण काल के कतको कन घटना घटित होए हे जेकर प्रमाण इहां ले लोक संस्कृति, लोक कला, कथा किस्सा अउ लोकोक्ति हवय। चंदखुरी ल भगवान श्रीराम के नानीगांव (ननिहाल) माने जाथे, जे ह दक्षिण कोसल के नाम ले पूरा देश म प्रसिद्ध हे।
चंदखुरी म इस्थित माता कौसिल्या धाम, राम वनगमन पर्यटन परिपथ के अबड़ महत्वपूर्ण इस्थल होए। चंदखुरी ज राजधानी रायपुर ले सिरिफ 27 कि.मी. के दुरिया म हे । प्रभु श्रीराम ह माता कौशल्या के गोदी म पवाए वाले अद्भुत प्रतिमा ए मंदिर ल दुर्लभ बनाथे ।
राम वगनमन पर्यटन परिपथ के अनतरगत चंदखुरी म घाट ले विकास अउ पैगौड़ा, प्रशासनिक ऑफिस, पब्लिक टॉयलेट, ज्योत हॉल, ब्रिज, एप्रोच रोड अउ फैसिलिटी, तालाब, लैंड स्केपिंग एंड फैसिंग, इलेक्ट्रिफिकेशन, इंटरनल अउ एक्सटरनल प्लंबिंग, बड़का प्रवेश द्वार, तालाब गहरीकरण, रिटेनिंग वॉल, दीप स्तंभ, श्रीराम स्टेच्यू एवं गेट के काम ह पूरा कर लिए गए हे।
