आज ले शुरू माता मावली मड़ई-मेला : देखे ल मिलही लोक नर्तक दल मन के आकर्षक प्रस्तुति

नारायणपुर 18 फरवरी 2020। महिना के पहिली सुकरवार के कोकोड़ी म राजटेका मंदिर म अनुमति मिले के बाद माता मावली मड़ई मेला के शुरूआत हो गीस। नारायणपुर के ऐतिहासिक मावली मड़ई बुधवार 19 फरवरी ले शुरू होही, जऊन करीब एक हफ्ता तक चलही। मेला म कई विभाग मन जइसे जनसंपर्क, आदिमजाति, महिला बाल विकास, कृषि, उद्यानिकी, स्वास्थ्य, बांस शिल्प, कौशल विकास, आदि विभाग मन के योजना उपर आधारित प्रदर्शनी घलोक देखे ल मिलही। जिला प्रशसन के तय कार्यक्रम के मुताबिक उद्योग मंत्री श्री कवासी लखमा कार्यक्रम के मुख्य अतिथि होहीं। ओ मन माता मावली मड़ई-मेला के शुभारंभ करहीं। कार्यक्रम के अध्यक्षता बस्तर लोकसभा सांसद श्री दीपक बैज करहीं। माता मावली मड़ई-मेला के समापन इतवार 23 फरवरी के जिला के प्रभारी मंत्री श्री गुरू रूद्र कुमार के मुख्य आतिथ्य म होही। समापन समारोह कार्यक्रम के अध्यक्षता विधायक चंदन कश्‍यप करहीं।

लउछरहा..