माता-पिता के सेवा ले बढ़के कुछ आन नइ हे, ओ मन ल खुश रखव त जीवन सफल होही : मुख्यमंत्री श्री विष्णुदेव साय

रायपुर 11 फरवरी 2024। मुख्यमंत्री श्री विष्णुदेव साय आज जशपुर जिला के कुनकुरी विकासखण्ड के ग्राम कंडोरा म आयोजित मातृ-पितृ पूजन कार्यक्रम म मुख्य अतिथि के रूप म सामिल होइन। ए बेरा म उमन कहिन कि माता-पिता के सेवा ले बढ़के कुछ आन नइ हे, ते पाए के हम सबो ल हर दिन अपन माता-पिता के चरण छूके आशीर्वाद लेना चाही। ओ मन ल खुश रखबो, त जीवन सफल होही। मुख्यमंत्री ह छत्तीसगढ़ म 14 फरवरी के मातृ-पितृ पूजन दिवस के रूप मनाए के घोषणा घलोक करिन।
मुख्यमंत्री श्री साय ह आयोजक मन ल मातृ-पितृ पूजन दिवस के रूप म कार्यक्रम आयोजित करे म बधाई अऊ शुभकामना देवत कहिन कि ऊंखर गुरू ह कहे रहिन कि माता-पिता भगवान ले बड़े होथे। माता जन्म देथे। गर्भ म 9 महिना तक रखे के बाद पालन-पोषण करथे। कहूं माता-पिता खुश नइ हे, त सबो पूजा-पाठ सबो व्यर्थ हे। वेद म घलोक माता-पिता के स्थान सवोच्च हे। मुख्यमंत्री ह धार्मिक कथा मन के उदाहरण देवत माता-पिता के महत्व ल रेखांकित करे गए हे अऊ सबो बेटा-बेटि मन ल अपन माता-पिता ल खुश रखत उंखर से आशीर्वाद लेहे अऊ ओखर आदर अऊ सम्मान करे के अपील करिन। कार्यक्रम ल श्री राजीव रंजन नन्दे अऊ वनवासी आश्रम के श्री योगेश बापट ह घलोक सम्बोधित करिन। उमन माता-पिता के महत्व बतात उंखर आशीर्वाद लेहे अऊ पाश्चात्य संस्कृति ले दूर रहि के अपन माता पिता के सेवा करे अऊ ओखर नाम रोशन करे के बात कहीन। ए दौरान पद्मश्री श्री जागेश्वर यादव, श्री राम प्रताप सिंह, संभाग आयुक्त जी.आर. चुरेंद्र, जनसंपर्क आयुक्त श्री मयंक श्रीवास्तव, आई.जी. श्री अंकित गर्ग, कलेक्टर डॉ. रवि मित्तल, पुलिस अधीक्षक श्री शशिमोहन सिंह आदि उपस्थित रहिन।