धमतरी जिला के माटेगाहन मं आजीविका डबरी बनिस किसान के बढ़ोतरी के चिन्‍हारी

CHHATTISGARHI NEWS: धमतरी, ग्रामीण विकास अउ आर्थिक सशक्तीकरण के दिशा मं छत्तीसगढ़ शासन के योजना मन ग्रामीण मनखे मन के जिनगी ल बदलत हें। इही कड़ी मं धमतरी विकासखंड के ग्राम पंचायत चिखली के आश्रित ग्राम माटेगाहन मं बने आजीविका डबरी किसान ईश्वर उर्फ नम्मु बर वरदान साबित होगे हे। लंबा समय ले वर्षा उपर निर्भर किसानी के सेती पानी के कमी से जूझत ए इलाका के किसान मन बर अब सिंचाई के स्थायी साधन मिलगे हे, जेकर से उंखर खेती-किसानी अउ आर्थिक स्थिति दूनो मजबूत होत हे।
मिले जानकारी के अनुसार, माटेगाहन के ए इलाका मं पानी के कमी के समस्या के स्थायी समाधान बर शासन के योजना के तहत 2,43,760 रुपिया के स्वीकृति देहे गए रहिस। पारदर्शी प्रक्रिया के संग ए डबरी के निर्माण कार्य कुल 2,10,073 रुपिया के लागत में पूरा कराए गीस। ए आजीविका डबरी के बन जाय ले किसान ईश्वर उर्फ नम्मु के लगभग एक एकड़ किसानी भुइंया ल सीधा सिंचाई पानी के लाभ मिले हे। अब फसल सिंचाई बर बरसा के अगोरा खतम होगे हे अउ बेरा म पानी मिले ले भूइंया के उत्पादकता बाढ़गे हे।
सिंचाई के संगे-संग किसान ह डबरी मं मछरी पालन, मछली बीज रोपण के काम घलो सुरू कर देहे हे, जेकर से ओखर परिवार ल उपरहा आमदनी के नवा जरिया मिलगे हे। जल संरक्षण अउ कृषि विकास के ए अनूठा मॉडल ले ग्रामीण अर्थव्यवस्था ल बड़का मजबूती मिलत हे अउ माटेगाहन के ये सफलता ओ कोति के किसान मन बर प्रेरणा बनगे हे।