सुकमा, उद्योग मंत्री श्री कवासी लखमा ह आज सुकमा जिला के कुम्हाररास स्थित आकार संस्थान म आयोजित शिविर म मुख्य अतिथि के रूप म सामिल होइन। श्री लखमा ह 42 दिव्यांग लइका मन ल व्हीलचेयर, मैग्नीफायर, मोबाइल सॉफ्टवेयर, श्रवण यंत्र अऊ टीएलएम कीट प्रदान करिन।
मंत्री श्री लखमा ह संस्थान के पदाधिकारी मन ले चर्चा करके 50 अकतहा सीट बढ़ाए अऊ संस्थान के उन्नयन करके 12वीं तक के कक्षा संचालन करे के घलोक निर्देश दीन। श्री लखमा ह कहिन कि राज्य सरकार के योजना के तहत दिव्यांग पढ़ईया लईका मन के प्रतिभा प्रोत्साहन, अध्यापन अऊ घर व्यवस्था बर बेहतर प्रबंध करे जाही।
दृष्टिबाधित कलाकार ल नगद पुरस्कार दे के करिन प्रोत्साहित –
राजधानी रायपुर म आयोजित राष्ट्रीय जनजाति साहित्य महोत्सव म उत्कृष्ट प्रदर्शन करइया दृष्टिबाधित कलाकार कुमारी सोढ़ी बीड़े के प्रशंसा करत मंत्री श्री लखमा ह 5000 रूपिया के नगद पुरस्कार प्रदान करके वोला प्रोत्साहित करिस।
ये दौरान जिला पंचायत अध्यक्ष, समाज कल्याण विभाग के अधिकारी, जिला शिक्षा अधिकारी संग संबंधित विभाग मन के अधिकारी उपस्थित रहिन।
