रइपुर 18 जून 2021 शुकवार। छत्तीसगढ़ शासन डाहर ले कोरोना संक्रमण उपर नियंत्रण अउ रोकथाम बर करे गे प्रभावी उपाय मन ले प्रदेश म संक्रमण के स्थिति म सरलग सुधार आवत हे । अभीन प्रदेश म संक्रमण के दर गिरके मात्र 1.29 प्रतिशत म पहुंच गे हे। उहेंचे रिकवरी दर बाढ़के अब 98 प्रतिशत होगे हे । कोरोना ले होवइया मउत मन तको थमत हवय। राज्य म कोरोना ले बचाव के टीका के पहली अउ दूसरइया खुराक ल मिलाके अब तक (17 जून तक) 74 लाख 33 हजार 759 टीका लगाए जा चुके हे। प्रदेश म 45 बछर ले अधिक के नागरिको मन बर अभी 19 लाख 42 हजार 890 अउ 18 ले 44 बछर उमर के वर्ग बर एक लाख 79 हजार 580 टीके उपलब्ध हे।
