आज ले माता मावली मड़ई-मेला के होही शुरूआत : स्थानीय लोक नर्तक दल देंहीं आकर्षक प्रस्तुति

नारायणपुर, 9 मार्च 2021। नारायणपुर के सुप्रसिद्ध ऐतिहासिक माता मावली मेला 2021 के तैयारी पूरा हो गए हे। ये मेला के आयोजन आज ले शुरू होगे, जेन 5 दिन तक चलही। जिला प्रशासन के अमला ह माता मावली मेला के तैयारी म 1 महिना तक जुटे रहिस। कलेक्टर श्री धर्मेश कुमार साहू के नेतृत्व म मेला के व्यवस्था मन म कोनो प्रकार के कमी झन होवय एखर बर जिलाधिकारी अपन अधीनस्थ मन के संग तैयारी म लगे रहिन। जिला प्रशासन के तय कार्यक्रम मुताबिक सांसद श्री दीपक बैज, बस्तर संसदीय क्षेत्र कार्यक्रम के मुख्य अतिथि रहिन, ओ मन माता मावली मड़ई-मेले के शुभारंभ करिन। कार्यक्रम के अध्यक्षता स्थानीय विधायक अऊ हस्तशिल्प विकास बोर्ड के अध्यक्ष श्री चंदन कश्यप करिन। माता मावली मड़ई-मेला के समापन इतवार 14 मार्च के उद्योग मंत्री श्री कवासी लखमा के मुख्य आतिथ्य म होही। समापन समारोह कार्यक्रम के अध्यक्षता जिला प्रभारी मंत्री श्री गुरू रूद्र कुमार करहीं।