अंगरेजी माध्यम स्कूल के जइसनहेच ये स्कूल म विकसित करे जाही सुविधा
राष्ट्रपिता महात्मा गांधी के जयंती के अवसर म रायपुर के मायाराम सुरजन शासकीय कन्या उच्चत्तर माध्यमिक विद्यालय म आयोजित कार्यक्रम म सामिल होइन मुख्यमंत्री
वर्धा के तर्ज म नवा रायपुर म स्थापित होही 21वीं सदी के सेवा-ग्राम
75 ले 100 एकड़ म स्थापित होवइया नवा रायपुर के सेवा ग्राम महात्मा गांधी के ग्राम स्वराज के परिकल्पना उपर केन्द्रित होही
सबो प्रकार के कारीगर मन के प्रशिक्षण के व्यवस्था होही, लोक कला अऊ शिल्पकार मन ल प्रोत्साहन के संगें-संग वैचारिक आदान-प्रदान घलोक होही
रायपुर के सेवा ग्राम म सियान मन बर ‘दूसरा घर’ अऊ वंचित मन बर स्कूल घलोक करे जाही स्थापित
नवा पीढ़ी ल बापू के सिद्धांत ले परिचित कराए 5वीं ले 12वीं के पाठ्यक्रम म सामिल करे जाही महात्मा गांधी के बुनियादी शिक्षा
गांधीजी के आत्मनिर्भर ग्राम के संकल्पना के जानकारी देहे लइका मन ल कराए जाही गांव मन अऊ गौठान मन के भ्रमण
रायपुर, मुख्यमंत्री श्री भूपेश बघेल आज राष्ट्रपिता महात्मा गांधी के जयंती के अवसर म राजधानी रायपुर के चौबे कॉलोनी स्थित मायाराम सुरजन शासकीय कन्या उच्चत्तर माध्यमिक विद्यालय म आयोजित कार्यक्रम म सामिल होइन। मुख्यमंत्री ह कहिन कि ये कन्या उच्चत्तर माध्यमिक विद्यालय ल स्वामी आत्मानंद अंगरेजी माध्यम स्कूल के तर्ज म सर्वसुविधा सहित स्कूल के रूप म विकसित करे जाही। ये स्कूल हिन्दी माध्यम के प्रदेश के पहिली स्वामी आत्मानंद हिन्दी माध्यम स्कूल होही। मुख्यमंत्री ह ये विद्यालय के छात्रा मन ल बापू के आत्मकथा ’सत्य के संग मोर प्रयोग’ पुस्तक के वितरण कराए के घोषणा घलोक करे गीस। मुख्यमंत्री ह ये बेरा म स्वामी आत्मानंद स्कूल के लइका मन के मौलिक रचना मन उपर केन्द्रित अऊ एससीईआरटी कोति ले प्रकाशित ’सेजेश रेन्बो’ पुस्तक के विमोचन करिन। उमन गोदना कला, पारंपरिक खिलौना निर्माण संग आन काम मन म अपन प्रतिभा के उत्कृष्ट प्रदर्शन करइया छात्रा मन ल पुरस्कृत करिन। ये बेरा म कृषि मंत्री श्री रविन्द्र चौबे, स्कूल शिक्षा मंत्री डॉ. प्रेमसाय सिंह टेकाम, स्कूल शिक्षा सचिव डॉ. कमलप्रीत सिंह, कलेक्टर रायपुर श्री सौरभ कुमार घलोक उपस्थित रहिन।
