आदिवासी बहुल छोट कुन गांव के मोहेंद्र के एमबीबीएस बने के सपना होइस साकार : राज्य सरकार सरलग पढ़ई बर दीस लैपटॉप

रइपुर, 25 अगस्त 2021। गरियाबंद जिला के आदिवासी बहुल विकासखंड छुरा के के छोटकुन गांव संबलपुर रहइया होनहार आदिवासी युवक मोहेंद्र दीवान के एमबीबीएस बने के सपना पूरा होवइया हे। संबलपुर के मोहेंद्र कड़क मेहनत अउ लगन ले खड़मा के हाई स्कूल म कक्षा दसवीं के परीक्षा 82 प्रतिशत अंक संग पास होके जगदलपुर के प्रयास आवासीय विद्यालय म दू साल रहीके जीव विज्ञान (बायोलॉजी) करीस अउ 87 प्रतिशत अंक ले प्रथम श्रेणी म उत्तीर्ण होइस। तेकर पीछू नीट परीक्षा दीस। जेमा ओकर चयन एमबीबीएस के पढ़ई बर होगे।
मोहेन्द्र अभीन बेलासपुर के सिम्स म एडमिशन लेके पहिली सेमेस्टर के पढ़ई करत हे। कलेक्टर श्री निलेश क्षीरसागर ह पढ़ई के प्रति मोहेन्द्र के लगन अउ आवश्यकता ल धियान रखत ओकर सपना ल सकार करे बर आदिवासी विकास विभाग ह उन ल लैपटॉप खरीदे बर 50 हजार रूपिया के चेक विश्व आदिवासी दिवस के शुभ अवसर म मुख्यमंत्री श्री भूपेश बघेल के वर्चुअल उपस्थिति म कलेक्टर श्री क्षीरसागर द्वारा प्रदान करे गइस। कलेक्टर श्री क्षीरसागर ह मोहेन्द्र ल चेक सौंपत खानी उन ल उज्जर भविष्य के शुभकामना दीन।