रायपुर, 15 मार्च 2021। वन अऊ जलवायु परिवर्तन मंत्री श्री मोहम्मद अकबर ह आज राजधानी के शंकर नगर के अपन निवास कार्यालय ले व्यावसायिक अऊ गैर-व्यावसायिक स्नातक कोर्स बर छात्रवृत्ति या अनुदान प्रदाय योजना के तहत 907 छात्र-छात्रा मन के बैंक खाता म 45 लाख 30 हजार रूपिया के ऑनलाइन भुगतान करिन। ये राशि तेंदूपत्ता संग्राहक परिवार मन के लइका मन ल शिक्षा के प्रति जागरूक करे बर छत्तीसगढ़ राज्य लघु वनोपज संघ कोति ले लागू योजना के तहत देहे गीस। ये बेरा म प्रमुख सचिव वन अऊ जलवायु परिवर्तन श्री मनोज पिंगुआ, प्रधान मुख्य वन संरक्षक अऊ वन बल प्रमुख श्री राकेश चतुर्वेदी, प्रबंध संचालक राज्य लघु वनोपज संघ श्री संजय शुक्ला, अपर प्रबंध संचालक श्री एस.एस. बजाज, अपर प्रधान मुख्य वन संरक्षक श्री जयसिंह म्हस्के, मुख्य वन संरक्षक श्री जे.आर. नायक संग आन विभागीय अधिकारी उपस्थित रहिन।
वन मंत्री श्री अकबर ह तेंदूपत्ता सकेलवईया परिवार मन के 907 पढ़ईया लईका मन ल 45.30 लाख रूपिया के छात्रवृत्ति अऊ अनुदान के ऑनलाइन करिन भुगतान
