रइपुर, 03 सितम्बर 2021 शुकवार । मुख्यमंत्री दाउ भूपेश बघेल ह कहीन कि छत्तीसगढ़ सरकार मीडिया संगवारी मन के हरेक सुख-दुख म उन्कर संग खड़े हवय। उन्कर चाुनौती अउ मुश्किल मन ल कमतियाए बर सरकार सरलग कदम उठावत हावयं। उन्कर मुश्किल जतके कम होही छत्तीसगढ़ म पत्रकारिता के रद्दा ओतके असान होही। मुख्यमंत्री दाउ बघेल कोविड-19 ले दिवंगत पत्रकार मन के परिजन मन ल आज अपन घरू कार्यालय म आयोजित कार्यक्रम म पत्रकार कल्याण कोष ले स्वीकृत सहायता राशि के चेक बांटीन हवय।
पत्रकार कल्याण कोष ले आज 53 झिन मीडिया करमचारी मन के अबड़ कन आने आने प्रकरण मन म स्वीकृत कुल एक करोड़ 15 लाख रूपिया के आर्थिक सहायता के राशि जारी करीन हवयं। ये मीडिया करमचारी मन ल, जिन्कर मउत कोविड-19 ले होए हवयं, उन्कर परिवार ल पांच-पांच लाख रूपिया के मान ले कुल 90 लाख रूपिया के आर्थिक सहायता मंजूर करे गईस। कार्यक्रम म दिवंगत मीडिया करमचारी मन ल दू मिनट के मौन रखके श्रद्धांजलि देहे गईन।
मुख्यमंत्री कहीन कि छत्तीसगढ़ के पत्रकार आर्थिक चिंता ले मुक्त होके निष्पक्ष पत्रकारिता कर सकै, एकर बर पत्रकार कल्याण कोष के स्थापना करे गे हे जेमा कोनो पत्रकार या उन्कर परिजन के बीमारी म उपचार बर पहिली 50 हजार रूपिया सहायता देहे जावत रिहिसे तेला छत्तीसगढ़ सरकार ह संशोधत करत ये राशि ल बढ़ाके 2 लाख रूपिया करे हवय अउ आकस्मिक मृत्यु के प्रकरण म पत्रकार कल्याण कोष ले 5 लाख रूपिया के आर्थिक सहायता देहे के प्रावधान करे गे हवय।
मुख्यमंत्री ह कहीन कि राज्य के वरिष्ठ मीडिया कर्मी मन बर वरिष्ठ मीडिया कर्मी सम्मान निधि योजना संचालित करत हे, ये योजना म पहिली सम्मान निधि म 5 हजार रूपिया देवय तेला नवा सरकार ह बढ़ाके 10 हजार रूपिया हरेक महीना कर दे हवयं अउ अर्हता के उमर ले 62 बछर ले घटाके 60 बछर कर दे हवयं।
मुख्यमंत्री दाउ भूपेश बघेल ह कार्यक्रम म संवाददाता, नवभारत दुर्ग स्वर्गीय श्री नरेश सिन्हा के धर्मपत्नी श्रीमती लक्ष्मी सिन्हा, संवाददाता, नवभारत भिलाई-दुर्ग स्वर्गीय श्री अविनाश इंगले के धर्मपत्नी श्रीमती योगिता इंगले, संवाददाता, इस्पात टाइम्स रायपुर स्वर्गीय श्री भरत दुदानी के धर्मपत्नी श्रीमती रजनी दुदानी, फोटोग्राफर, सेन्ट्रल क्रॉनिकल रायपुर स्वर्गीय श्री श्रीकांत मेश्राम के धर्मपत्नी श्रीमती शुभांगी मेश्राम, उप-सम्पादक, दैनिक अग्रदूत स्वर्गीय श्री जियाउल हसन के धर्मपत्नी श्रीमती मेहजबीन बानो, सह-सम्पादक, द-हितवाद रायपुर स्वर्गीय श्री राजा दास के धर्मपत्नी श्रीमती झुमा दास, ब्यूरो प्रमुख, दैनिक नवप्रदेश रायपुर स्वर्गीय श्री अश्विन अगाडे के धर्मपत्नी गंगा सागर अगाड़े, सब-एडीटर, हरिभूमि रायपुर स्वर्गीय श्री दीपक कुमार वर्मा के धर्मपत्नी श्रीमती गायत्री देवी, संवाददाता, दैनिक छत्तीसगढ़ रायपुर स्वर्गीय श्री तिलक देवांगन के पुत्र श्री ऋषभ देवांगन, उर्दू दैनिक खबर एक्सप्रेस रायपुर स्वर्गीय श्री आबिद अली के धर्मपत्नी श्रीमती नासेरा आबिद अली अउ संवाददाता, हाईवे चैनल रायपुर स्वर्गीय श्री शाकिर खान के धर्मपत्नी श्रीमती सानिया खान ल प्रदत्त सहायता राशि के चेक उन्कर कोति ले स्वर्गीय श्री शाकिर खान के पिता श्री रज्जाक खान ह ग्रहन करीस।