रायपुर, 25 सितंबर 2020। राज्य म संचालित अस्पताल मन म मेडिकल ऑक्सीजन के सुलभ वितरण अऊ परिवहन सुनिश्चित करे बर राज्य स्तरीय ’मेडिकल ऑक्सीजन कंट्रोल कक्ष’ बनाए गए हे। एखर बने ले कोविड पीड़ित मरीज मन ल आसानी ले आक्सीजन मिलना सुनिश्चित हो सकही। स्वास्थ्य विभाग के विशेष सचिव श्री सी.आर. प्रसन्ना ह ये संबंध म आज आदेश जारी करिन। जिला स्तर म घलोक मेडिकल ऑक्सीजन कंट्रोल कक्ष’के गठन करे जात हे।
राज्य स्तरीय ’मेडिकल ऑक्सीजन कंट्रोल कक्ष’ प्रदेश मे संचालित अस्पताल मन म मेडिकल ऑक्सीजन के जरूरत के नियमित निगरानी करत ओखर उपलब्धता सुनिश्चित करही। ये कंट्रोल रूम मेडिकल आक्सीजन के परिवहन म कहूं अंतर्राज्यीय परिवहन म कोनो समस्या आही त भारत सरकार के स्वास्थ्य विभाग के सेन्ट्रल कंट्रोल रूम ले समन्वय करके समस्या के निराकरण घलोक करहीं। राज्य स्तरीय समिति म श्री के.डी. कुंजाम, नियंत्रक खाद्य अऊ औषधि प्रशासन, श्री वेदव्रत सिरमौर संयुक्त आयुक्त परिवहन विभाग, श्री प्रवीण शुक्ला वाणिज्य अऊ उद्योग, श्री हिरेन पटेल खाद्य अऊ औषधि प्रशासन अऊ डॉ वाई के शर्मा स्वास्थ्य सेवाएं सदस्य हें।
जिला स्तरीय समिति ह जिला स्तर म मेडिकल ऑक्सीजन के उपलब्धता अऊ निरंतरता सुनिश्चित करही अऊ कोनो प्रकार के कठिनाई होए म राज्य स्तरीय समिति ले समन्वय करके ओला दूर करही। जिला दंडाधिकारी मन ह महाप्रबंधक उद्योग, क्षेत्रीय परिवहन अधिकारी, मुख्य चिकित्सा अऊ स्वास्थ्य अधिकारी, सहायक औषधि नियंत्रक या औषधि निरीक्षक के समिति गठित करके जिला मेडिकल ऑक्सीजन कंट्रोल कक्ष बनाहीं।
