छत्तीसगढ़ म मेडिकल टूरिज्म ल दे जाही बढ़ावा- श्री भूपेश बघेल

  • मुख्यमंत्री ह बालाजी ग्रुप ऑफ हॉस्पिटल के आईसीयू यूनिट अऊ एम.आर.आई. मशीन के करिन लोकार्पण
  • बालाजी ग्रुप ऑफ हॉस्पिटल के योजना अंतर्गत सीनियर सिटीजन कार्ड के करिन विमोचन
  • योजना म वरिष्ठ नागरिक मन के 50 प्रतिशत छूट म सबो प्रकार के करे जाही इलाज

रायपुर, 24 फरवरी 2020। मुख्यमंत्री भूपेश बघेल ह कहिन हे कि राज्य सरकार छत्तीसगढ़ म मेडिकल टूरिज्म ल बढ़ावा देहे के पहल करे जाही। उमन कहिन कि अमेरिका दौरा के समय प्रवासी छत्तीसगढ़वासी मन ह छत्तीसगढ़ म मेडिकल टूरिज्म ल बढ़ावा देहे के प्रस्ताव देहे रहिन, राज्य सरकार ये म गंभीरता ले विचार करही। मुख्यमंत्री ह प्रदेश के सर्व सुविधायुक्त अस्पताल मन ले घलोक ये दिशा म पहल करे के आग्रह करे हें। मुख्यमंत्री ह कहिन कि मेडिकल टूरिज्म ले जिहां मानवता के सेवा हो सकही, उहें ये मां छत्तीसगढ़ के नाम होही अऊ प्रदेश म पर्यटन ल घलोक बढ़ावा मिलही। राज्य सरकार वरिष्ठ अधिकारी मन अऊ वरिष्ठ डॉक्टर मन के संग ये संबंध म विचार-विमर्श करके मेडिकल टूरिज्म ल बढ़ावा देहे बर रूपरेखा तियार करही।

श्री बघेल ह आज राजधानी रायपुर के मोवा स्थित श्री बालाजी हॉस्पिटल के कार्यक्रम म ये आशय के विचार व्यक्त करिन। श्री बघेल ह अस्पताल के एम.आर.आई. मशीन अऊ 20 बिस्तर के आईसीयू के घलोक लोकार्पण करिन। मुख्यमंत्री ह बालाजी ग्रुप आफ हॉस्पिटल्स कोति ले वरिष्ठ नागरिक मन बर 50 प्रतिशत शुल्क म सबो प्रकार के इलाज चालू करे के योजना के सीनियर सिटीजन कार्ड के विमोचन घलोक करिन। मुख्यमंत्री ह कहिन कि अमेरिका म इलाज कराना बहुत मंहगा हे। कहूं कोनो ह बीमा नइ कराए हे त ओखर इलाज म सम्पत्ति तको बेंचा जाथे फेर इलाज नइ हो पाए। उहां के मनखे मन बर भारत म इलाज अऊ इहां पर्यटन सस्ता परथे। छत्तीसगढ़ ल ये बेरा के लाभ उठाना चाही।

लउछरहा..