वैष्णो देवी म उदुपहा मिलिस छत्तीसगढ़ के किसान ले सांसद श्री राहुल गांधी: हालचाल पूछे म किसान ह कहिस के ‘बहुत अच्छा काम करत हे हमर सरकार’

बताइस के गोबर बेचके कमाईस 85 हजार, स्कूटी घलोक बिसाईस

रायपुर, सांसद श्री राहुल गांधी के आज वैष्णो देवी के दर्शन बर पदयात्रा के बेरा म छत्तीसगढ के एक किसान परिवार के संग अचानक मुलाकात हो गीस। श्री गांधी ह किसान अऊ ओखर परिवार ल तीर म बठारके ऊंखर संग कुछ समय बिताईन। उमन उंखर से हालचाल पूछिन त किसान ह उछाह के संग श्री राहुल गांधी ल छत्तीसगढ़ के भूपेश बघेल सरकार के किसान हितैषी योजना मन के बारे म बताइस। किसान ह कहिस – “हमर सरकार बहुत अच्छा काम करत हे।” किसान ह श्री राहुल गांधी ले कहिस के अभी सरकार ल सिरिफ ढाई सालेच होए हे, भूपेश जी किसान, वनवासी मन बर बहुत अच्छा काम करत हे। भूमिहीन खेतिहर मजदूर मन ल 6 हजार रुपए देवत हे। किसान ह ओ मन ल बताइस के ओ ह गोधन न्याय योजना म गोबर बेच के अब तक 85 हजार रुपए के कमाई कर लेहे हे। ए पइसा ले एक स्कूटी घलोक बिसाए हे। किसान ह कहिस के गौठान म घलोक हमार इहां बहुत अच्छा काम होवत हे।