मेघा-सिंगपुर-दुगली सड़क के होही चौड़ीकरण अऊ मजबूतीकरण

करीबन 71 करोड़ के लागत ले बनाए जाही 35 किलोमीटर लंबा सड़क

धमतरी, नगरी वनांचल के गोद म बसे ग्राम दुगली ले सिंगपुर-मेघा तक 35.2 किलोमीटर लंबी सड़क के चौड़ीकरण अऊ मजबूतीकरण करे जाही। लोक निर्माण विभाग कोति ले बनइया ये सड़क ले क्षेत्र म विकास के नवा इबारत लिखे जाही। आदिवासी बाहुल्य ये क्षेत्र म अभी हाल म ये सड़क तीन मीटर चौड़ा हे। समय के मांग ल देखत जरूरत महसूस करे गीस के ये सड़क के उन्नयन अऊ मजबूतीकरण करे जाए। एखर परिणामस्वरूप सिहावा विधानसभा के मेघा-सिंगपुर-दुगली मार्ग के दू हिस्सा म काम करे जाही। कार्यपालन अभियंता लोक निर्माण श्री ध्रुव बताईन के मेघा-सिंगपुर-दुगली मार्ग 1/2 ले 14/10 तक कुल 12 किलोमीटर लंबी सड़क के उन्नयन अऊ नवीनीकरण 25 करोड़ 73 लाख 70 हजार रुपए के लागत ले करे जाही। एखर संगेच मेघा-सिंगपुर-दुगली मार्ग 15/2 ले 38/2 तक के 23 किलोमीटर लंबा सड़क के चौड़ीकरण अऊ मजबूतीकरण घलोक करे जाही। एखर बर कुल 44 करोड़ 88 लाख 80 हजार रुपए के प्रशासकीय स्वीकृति मिले हे।

राज्य स्तरीय खेल अकादमी बर बेमेतरा जिला के खिलाड़ी मन के चयन