मेहर समाज के प्रदेश स्तरीय सामाजिक अउ युवक-युवती परिचय सम्मेलन म
संघरिस मुख्यमंत्री
नवा रायपुर म संत रविदास के नाव ले होही चउक के नामकरण
रायपुर, नेहा राठौर के खबर/ मुख्यमंत्री श्री भूपेश बघेल ह आज महादेव घाट रोड इस्थित सतनाम भवन म आयोजित छत्तीसगढ़ मेहर समाज के प्रदेश इस्तरीय सामाजिक , युवक-युवती परिचय सम्मेलन म संघरिन। ए अवसर म ओ ह कहिन के महान संत श्री रविदास ह कर्म ल ही पूजा कहे रहिन हे। कोनो बुता ह छोटे नई होवय। लोगन मन ह अपन विचार ले छोटे होथे। भक्तिमार्ग म संत रविदास के नाव पूरा दुनिया म सरधा ले लिए जाथे। संत मन ह लोगन मन ल समानता के संग जीए के रस्ता बताइस हे। मुख्यमंत्री ह अवसर म नवा रायपुर म संत रविदास के नाव ले चउक के नामकरण अउ रविदास के जयंती मनाए ब हर साल 5 लाख रुपिया दिए हे घोषणा करिस।
मुख्यमंत्री ह ए कारिकरम म आदर्श बिहाव कर नव दाम्पत्य जीवन म प्रवेश करे वाले चार जोडा ल आसीरबाद दिहिस।के संगे म समाज के उत्कृष्ट कलाकार, विभिन्न राजनीतिक पद म आसीन समाज के प्रतिनिधि, समाज के 6 झन ल मेहर रत्न अउ प्रतिभावान छात्र-छात्रा मन ल सम्मानित करिस। समाज के प्रदेश अध्यक्ष श्री खिलावन बघेल ह सलाहकार परिषद बोर्ड अउ आयोग म समाज ल प्रतिनिधित्व दिए न मुख्यमंत्री के प्रति अभार जताइस।
ए अवसर म संसदीय सचिव अऊ रायपुर पश्चिम विधायक श्री विकास उपाध्याय, छत्तीसगढ़ चर्म शिल्पकार विकास बोर्ड के अध्यक्ष श्री तरुण बिजौर, समाज के अन्य सामाजिक प्रतिनिधिगण सहित अबड़ संख्या म सामाजिक बंधु उपस्थित रहिन हे।