सुकमा, छत्तीसगढ़ के नक्सल प्रभावित जिला सुकमा म विकास के नवा कहानी लिखे जात हे। कोंटा ब्लॉक के दूरस्थ ग्राम मेहता के सुन्नम बद्री पहिली माटी के झोपड़ी म कठिन जीवन जीयत रहिस, जेमां बरसात म छत चूहय अऊ गरमी म भिथिया ओदरय। साल 2024-25 म प्रधानमंत्री आवास योजना (ग्रामीण) के तहत चलाए जात “नियद नेल्ला नार योजना” ह वोखर जीवन म अंजोर बगरा देहे हे। योजना के स्वीकृति मिले के बाद पंचायत अऊ प्रशासन के सहयोग ले ओखर पक्का घर तियार होइस।
1 नवंबर 2025 के सुन्नम बद्री ह अपन नवा मकान म गृहप्रवेश करिस। ये घर वोखर बर सुरक्षा, सम्मान अऊ नवा जीवन के शुरुआत हे। प्रशासन के मुताबिक ये योजना जंगल अऊ दुर्गम इलाका मन तक विकास पहुँचाए के बड़का मिसाल बनत हे। सुन्नम बद्री के घर ह आज सामाजिक बदलाव अऊ भरोसा के चिनहा बन गए हे।
सुकमा के झोपड़ी ले पक्का घर तक! सुन्नम बद्री के ज़िंदगी बदल गे PM आवास योजना ले
