प्रधानमंत्री श्री नरेंद्र मोदी के ‘मन के बात’ म बिल्हा के मातृशक्ति के उल्लेख – छत्तीसगढ़ के मातृशक्ति के स्वच्छता पहल ल राष्ट्रीय मंच म मिलीस पहिचान

‘मन के बात’ म छत्तीसगढ़ के गूंज – बिल्हा के महिला मन ह बदलिन शहर के तस्वीर, पीएम ह करिस सराहना
मुख्यमंत्री श्री विष्णु देव साय बोलिन – ये हरेक छत्तीसगढ़वासी बर गरब के बेरा ये
रायपुर, मुख्यमंत्री श्री विष्णु देव साय ह आज राजधानी रायपुर स्थित मुख्यमंत्री निवास म प्रधानमंत्री श्री नरेंद्र मोदी के प्रसारित ‘मन के बात’ कार्यक्रम ल संघरा सुने गीस। ए बेरा म श्री विकास मरकाम, श्री नवीन मार्कण्डेय, श्री अमित चिमनानी, श्रीमती हर्षिता पांडे, श्री अमित साहू संग बहुत अकन गणमान्यजन उपस्थित रहिन।
मुख्यमंत्री श्री साय ह ‘मन के बात’ के 124वां संस्करण उपर प्रतिक्रिया व्यक्त करत कहिन के ‘मन के बात’ न केवल जनता संग गोठ के एक सशक्त माध्यम हे, बल्कि ये देशभर के नवाचार, जनप्रयास अऊ प्रेरणादायक कहानी मन ल आगू लाके मनखे मन म नवा ऊर्जा भरे के काम करथे।
मुख्यमंत्री श्री साय ह कहिन के आज के दिन छत्तीसगढ़ बर विशेष गौरव के विसय हे, काबर के बिलासपुर जिला के नगर पंचायत बिल्हा म स्वच्छता के क्षेत्र म मातृशक्ति कोति ले करे गए नवाचार के उल्लेख खुद प्रधानमंत्री नरेंद्र मोदी ह अपन कार्यक्रम म करिन। प्रधानमंत्री श्री नरेंद्र मोदी ह कहिन के बिल्हा के महिला मन ल वेस्ट मैनेजमेंट के ट्रेनिंग देहे गीस अऊ उमन मिलके शहर के तस्वीर बदल डरिन। ये उल्लेख हम सबो छत्तीसगढ़वासी मन बर गरब अऊ प्रेरणा के विसय हे। मुख्यमंत्री श्री साय ह कहिन कि बिल्हा के महिला मन ह देखा दीन के जब संकल्प अऊ सहयोग एक संग होही, त कोनो बदलाव असंभव नइ होवय। स्वच्छता के ए मिसाल ह पूरा देश म छत्तीसगढ़ ल गौरवान्वित करे हे। बिल्हा के महिला मन ह अपन संकल्प ले एला देश के सबसे स्वच्छ शहर बना देहे हें।
मुख्यमंत्री श्री साय ह कहिन के छत्तीसगढ़ के मातृशक्ति ह स्वच्छता के क्षेत्र म जेन नवाचार करे हें, ओला आज देश के यशस्वी प्रधानमंत्री ह ‘मन के बात’ म विशेष रूप ले रेखांकित करिन। ये देखाथे के स्वच्छता केवल एक सरकारी कार्यक्रम नइ हे, बल्कि सामाजिक जागरूकता अऊ महिला मन के सक्रिय भागीदारी ले बनत एक सशक्त जनांदोलन हे।
मुख्यमंत्री ह बताइस के छत्तीसगढ़ के 7 शहर मन ल स्वच्छ भारत मिशन के तहत माननीय राष्ट्रपति कोति ले राष्ट्रीय स्तर म सम्मानित करे गए हे, जेमें नगर पंचायत बिल्हा संग आन नगरीय निकाय सामिल हे। उमन नगरीय निकाय मन के जनप्रतिनिधि, निगम आयुक्त, सीएमओ, स्वच्छता दीदी मन अऊ सफाईकर्मी मन ल बधाई देवत कहिन के ये सबो के समर्पण अऊ मेहनत के परिणाम हे के छत्तीसगढ़ राष्ट्रीय मंच मन म सम्मानित होवत हे।
मुख्यमंत्री श्री साय ह ये घलोक बताइन के हाले म जशपुर जिला के दौरा के समय ओ मन ल जानकारी मिलीस के जिला के पाँचों नगरीय निकाय मन ह स्वच्छता रैंकिंग म अभूतपूर्व छलांग लगाए हें। मुख्यमंत्री ह कहिन के ए उत्कृष्ट प्रदर्शन म दू दिन पहिली उमन जशपुर म स्वच्छता दीदी मन अऊ कर्मी मन ल खुदे सम्मानित करे रहिन।
मुख्यमंत्री ह कहिन के स्वच्छता के क्षेत्र म छत्तीसगढ़ म एक सकारात्मक वातावरण बने हे अऊ हमर सरकार ह जेन निष्ठा अऊ संकल्प के संग स्वच्छ भारत मिशन ल लागू करे हे, ओखर परिणाम आज देश के आगू हे।
मुख्यमंत्री श्री साय ह कहिन के ‘मन के बात’ आज देश के कोना-कोना के सादा कहानी मन ल असाधारण प्रेरणा म बदलइया राष्ट्रीय अभियान बन गए हे जेन भारत के लोकतंत्र के जीवंतता के साक्षात प्रमाण हे।