गुरु घासीदास बाबा के संदेश मन म मिलथे संविधान म लिखे समानता के अधिकार के झलक: मुख्यमंत्री श्री भूपेश बघेल

रायपुर, मुख्यमंत्री श्री भूपेश बघेल आज दुर्ग जिला के पाटन विकासखण्ड के ग्राम सुरपा बेल्हरी म सतनाम धर्म के प्रणेता संत गुरु घासीदास बाबा के जयंती कार्यक्रम म सामिल होइन। मुख्यमंत्री ह कहिन कि बाबा गुरू घासीदास के समाज म एकता, भाईचारा अऊ समरसता के संदेश के समाज के मनखे मन ल संगठित करे म विशेष योगदान हे। ये बेरा म उमन गुरु घासीदास बाबा ल सुरता करत जीवन के दिशा सकारात्मक रखे के सलाह दीन। उमन देश के संविधान के उदाहरण दीन जेमां समानता उपर बल देहे गए हे। उमन कहिन कि संविधान म लिखे समानता के अधिकार गुरु घासीदास बाबा के संदेश म घलोक परिलक्षित होथे। उमन पंथी ल सोरियाईन, जेमां लिखे सबो उपदेश छत्तीसगढ़ी म हे। उमन कहिन कि एखर से पता चलथे कि बाबा गुरू घासीदास ह छत्तीसगढ़ म वृहद स्तर म काम करे हें अऊ छत्तीसगढ़ के गौरव ल घलोक बढ़ाए हें।