रायपुर, 13 जून 2020। देश म काली मानसून के दस्तक के बाद आज मानसून रायपुर पहुंच चुके हे. बस्तर संभाग ले प्रवेश करे के बाद आज मानसून अपन निर्धारित सामान्य तिथि ले 3 दिन पहली ही रायपुर म दस्तक दे दिये हे. अगला 48 घण्टा म मानसून के आगु बढ़े बर अनुकूल परिस्थिति बने हे.
मौसम विभाग ह आगामी 24 घण्टा बर राजधानी रायपुर सहित बस्तर, कोंडागांव , सुकमा, दंतेवाड़ा, बीजापुर, कांकेर ,नारायणपुर, धमतरी ,बालोद, गरियाबंद अउ महासमुंद जिला म भारी बारिश के संभावना जतावत हुए येलो अलर्ट जारी करे हे. वहीं प्रदेश के सुकमा, दंतेवाड़ा, बीजापुर, कांकेर ,नारायणपुर ,राजनांदगांव ,दुर्ग, बालोद अउ धमतरी जिला म आने वाले 48 घण्टा बर ऑरेंज अलर्ट जारी करे हे. एखर तहत ये जिला मन म भारी बारिश होय के संभावना हे.
मौसम विभाग ह जारी करिस चेतावनी, अगला 48 घण्टा म राजधानी रायपुर सहित प्रदेश के ये हिस्सा म हो सकत हे मूसलाधार बारिश
