कोरबा, 21 जून 2020। जंगली जानवर ल फंसाये बर लगाये गे बिजली के तार के चपेट म आये ले एक प्रवासी मजदूर के मउत होगे. घटना के सूचना म मौका म पहुंचे पुलिस पड़ताल म जुटे हे. ये पूरा मामला उरगा थाना क्षेत्र के हे. जिहां मड़वारानी जंगल म जंगली जानवर ल फंसाये बर कोनो ह बिजली के तार लगा के रखे रहिस. लॉकडाउन म चोरी-छिपे अपन साथी मन के संग वापस अपन गांव लहुटत प्रवासी मजदूर के तार के चपेट म आये ले मौका म ही मउत होगे. घटना के बाद उंखर साथी मौका ले भाग गे. एक जंगली सूअर घलो करेंट के चपेट म आके मर गे.
बिजली के तार के चपेट म आये ले एक प्रवासी मजदूर के मउत
