जांजगीर-चाम्पा, 05 जून 2020। प्रदेश म कोरोना के चलत हालात बिगड़त जावत हे. रोज संक्रमित मरीज मन के संख्या बढ़त हे. अइसे म क्वारेंटाइन सेंटर मन म क्वारेंटाइन करे गे लोगन मन के मउत ले प्रशासन म हड़कंप मचे हे. अइसे ही एक मामला जांजगीर चाम्पा ले आये हे, जिहां क्वारेंटाइन करे गे मजदूर के मउत होगे हे. जानकारी के अनुसार जांजगीर चाम्पा जिला के एक क्वारेंटाइन सेंटर म क्वारेंटाइन करे गे मजदूर के तबियत बिगड़े म ओला जिला अस्पताल ले जाये गिस, जिहां वो इलाज के बेरा दम तोड़ दीस. बताये जावत हे कि मृत प्रवासी मजदूर पंजाब ले लहुटे रहिस. फ़िलहाल पोस्टमार्टम रिपोर्ट आये के बाद ही मउत के कारण स्पष्ट हो पाही.
जिला अस्पताल म प्रवासी मजदूर के इलाज के बेरा मउत, पंजाब ले लहुटे म करे गे रहिस क्वारेंटाइन
