रायपुर, मुख्यमंत्री श्री भूपेश बघेल के नेवता म छत्तीसगढ़ विधानसभा के सदस्य मन ह बुधवार के मिलेट्स ले बने कलेवा के सुवाद लीन। ये बेरा म मुख्यमंत्री श्री भूपेश बघेल ह कहिन कि उमन सबो व्यंजन के सुवाद लीन। उमन कहिन कि मोला रागी के हलवा अड़बड़ पसंद आइस। साल 2023 ह मिलेट साल के रूप म घोषित होय हे। पउर साल हमन 52 हजार क्विंटल कोदो ,कुटकी, रागी के खरीदी करे हन। छत्तीसगढ़ अकेला राज्य हे जेन समर्थन मूल्य म कोदो कुटकी रागी के खरीदी करत हे। एखर से किसान मन ल लाभ होय हे संगेच उत्पादन घलोक बाढ़े हे। मिलेट्स के उपयोग सबो ल जादा ले जादा करना चाही काबर के ये मां बहुत अकन पौष्टिक तत्व होथे।
हाले म प्रधानमंत्री श्री नरेंद्र मोदी ह छत्तीसगढ़ के मिलेट्स मिशन ल सहराए हें अऊ उमन रायपुर म मिलेट्स कैफे खोले के आग्रह करे हें, ऊंखर आग्रह ल देखत हमन मंत्रालय म मिलेट्स कैफे खोलत हन संगेच संभागीय सीमार्ट केंद्र मन म घलोक मिलेट्स कैफे शुरू करबोन।
मुख्यमंत्री श्री भूपेश बघेल ह मिलेट्स ले बने कलेवा मन ल बढ़ावा देहे विधायक मन ल कराइन जेवन
