फर्स्ट लेडी ह बस्तर के महिला किसान मन के मिलेट ले बने लड्डू के लिस सुआद
महिला मन ह बस्तर आए के दिस नेवता
रायपुर, 10 सितम्बर 2023
बस्तर के मिलेट बीसेस कर के रागी ले बने लड्डू जी-20 में आये राष्ट्राध्यक्ष अउ उकर पत्नी ल अबड़ भाइस। अवसर रहिस जी-20 देश में भाग लेहे वाले प्रमुख मन के प्रथम महिला मन अउ जीवनसाथी मन ल 9 सितंबर के पूसा रोड म आईएआरआई परिसर में एक कृषि प्रदर्शनी ब बिसेस नेवता दिए गइस।
छत्तीसगढ़ के बस्तर ले आए महिला मन ह मिलेट से बने वाले पकवान म बिसेस तियारी करे रहिस। बस्तर ज़िला के बास्तानर ब्लॉक ले आए संगीता कश्यप ह बताइस कि ओ ह मिलेट के लड्डू, रागी कुकीज़, रागी चकली, कोदो-कुटकी आदि मिलेट ले तियार होए वाले पकवान बनाए रहिस। ’ऑस्ट्रेलिया के फ़र्स्ट लेडी ल ओ ह मिलेट ले बनाए पकवान के टोकरी उपहार में दिस। ’फर्स्ट लेडी ल बस्तर के महिला मन ह बस्तर आए के नेवता घलो दिस हे। महिला मन के संग आए ’छत्तीसगढ़ कृषि विभाग की नोडल अधिकारी रुक्मणी कोट्टम ह बताइस कि पूसा में छत्तीसगढ़ कृषि विभाग कती ले स्टाल घलो लगाय गय रहिस’। विभाग कती के स्टाल में बांस ले बने उत्पाद जईसे सूपा, टुकनी, टोकरी, तुमा, छतरी के संग मिलेट से बने उत्पाद घलो रहिस हे। जो कि ईहाँ आए वाले आगंतुक मन ल अबड़ पसंद आइस। ओ ह बताइस कि छत्तीसगढ़ के ढोकराकला अउ नैचुरल डाई ले बने कोसा के स्टॉल घलो आगंतुक मन ब विशेष आकर्षण के केंद्र रहिस।
कांकेर के दुर्गकोन्दल ब्लॉक के गोटुल मुंडा गाँव के महिला समूह के निर्मला भास्कर ह बताइस कि ओ ह न्यूज़ीलैंड ले फ़र्स्ट लेडी ल मिलेट के बास्केट उपहार में दिस। ए बास्केट में छत्तीसगढ़ के महिला समूह के बनाए मिलेट उत्पाद रहिस। फ़र्स्ट लेडी ह उकर संग सेल्फी घलो लिस। क ह कहिस कि ओ एला अपन घर ले जाही अउ अपन परिवार के संग शेयर करही। निर्मला भास्कर ह कहिस कि ए ह यादगार पल रहिस जेला कभू नई भुलाय जा सके।
