कबीरधाम, 30 सितंबर 2020। बेरोजगार युवक मन ले CAF म नौकरी लगाये के नाम म लाखों के ठगी मामला म पुलिस ह आरोपी ल गिरफ्तार करे हे. आरोपी अनिल सिंह ठाकुर दुर्ग जिला के अमलेश्वर थाना म प्रधान आरक्षक के पद म पदस्थ रिहिस. एखरे धौंस दिखा के अनिल सिंह ठाकुर बेरोजगार युवक मन ल झांसा म लेवत रिहिस. अनिल सिंह 6 अलग-अलग युवक मन ले 11.50 के ठगी करे रिहिस. रुपिया दे के बावजूद जब युवक मन के नौकरी नई लगिस, तब ओमन ल ठगे जाये के एहसास होइस. एखर बाद मामला के शिकायत सिटी कोतवाली पुलिस म करे गिस. पुलिस ह जांच के बाद आरोपी ल पकड़िस.
एसपी कवर्धा ध्रुव ह बताइस कि जिला के बेरोजगार युवक मन ले CAF म आरक्षक म नौकरी लगाये के नाम म पैसा ले रिहिस. अमलेश्वर थाना म पदस्थ प्रधान आरक्षक अनिल सिंह ठाकुर ह युवक मन ले कुल 11.50 लाख ले रिहिस. जांच के बाद ओला गिरफ्तार करे गे हे.
