रायपुर, 10 जनवरी 2021। राजधानी म नौकरी लगाये के नाम म लाखों के धोखाधड़ी करे के मामला आगु आये हे. सैकड़ों बेरोजगार युवक-युवती मन ह आरोप लगाये हे कि एम टेक विजन नामक कंपनी ह नौकरी लगाये के नाम म लाखों रुपिया के ठगी करे हे. रजिस्ट्रेशन के नाम म लाखों रुपिया वसूल लेहे हे. जब नौकरी नई लगिस, तब ठगी के एहसास होइस. आज बड़का संख्या म पीड़ित शिकायत करे बर थाना पहुंचिस. पुलिस ह सबो पीड़ित मन के बयान दर्ज कर लेहे हे. ये पूरा मामला न्यू राजेंद्र नगर थाना क्षेत्र के हे.
शिकायतकर्ता मन के मुताबिक, एम.टेक विजन कंपनी द्वारा विभिन्न पद मन म नौकरी दिलवाये के झांसा देके रजिस्ट्रेशन फॉर्म के नाम ले 700 रुपिया लेहे जावत रहिस, फेर हमर इंटरव्यू लेहे जावत रहिस, जेखर बाद 2 ले 3 हजार रुपिया जमा कराये जावत रहिस . रुपिया जमा कराये के बाद सरलग नौकरी देहे के नाम म घुमाये गीस अऊ कुछ दिन म दफ्तर म ही ताला लग गए हे. हमन आज राजेंद्र नगर थाना म कंपनी के खिलाफ शिकायत दर्ज कराये बर आये हन.
राजेंद्र नगर पुलिस के कहना हे कि कुछ लोगन थाना पहुंच के राजेंद्र नगर स्थित एम.टेक विजन नामक कंपनी के खिलाफ नौकरी लगाये के नाम म पैसा वसूले के शिकायत लेके आये रहिस. सबो शिकायतकर्ता मन के बयान दर्ज करे गए हे. एम.टेक विजन कंपनी म 4 लोगन हे, जोन ये बेरा रायपुर म नई हे. सबो ल थाना बुलाये जावत हे. जांच म जोन भी दोषी होही उंखर उपर कार्रवाई करे जाही.
