बलौदाबाजार, 20 जुलाई 2020। जिला के सिमगा म अज्ञात चोर मन ह एसबीआई बैंक के एटीएम म धावा बोल दिस. चोर मन ह एटीएम ल गैस कटर ले काट दिस, फेर ओमा ले लाखों रुपिया चोरी करके फरार होगे. वारदात रविवार देर रात के बताये जावत हे. सोमवार बिहनिया लोगन मन ल चोरी के जानकारी होइस. ओखर बाद तत्काल एखर सूचना पुलिस ल दे गिस. पुलिस मउका म पहुंच के जांच शुरू कर दे हे. उहें एटीएम म चोरी के घटना के बाद पुलिस गश्त उपर सवाल उठत हे. संग ही लोगन मन एटीएम के सुरक्षा व्यवस्था उपर घलो सवाल करत हे. घटना लगभग रात के 3:45 के हे. पुलिस अज्ञात आरोपी मन के तलाश म जुटगे हे.
सिमगा म एटीएम काट के लाखों रुपिया के चोरी, पुलिस अज्ञात आरोपी मन के तलाश म जुटीस
