मुख्यमंत्री के अध्यक्षता म खनिज विकास निधि सलाहकार समिति के बैठक

रायपुर, मुख्यमंत्री श्री भूपेश बघेल के अध्यक्षता म आज ऊंखर निवास कार्यालय म आयोजित खनिज विकास निधि सलाहकार समिति के बैठक म खनिज मन के विकास ले संबंधित करीबन 267 करोड़ रूपिया के प्रस्ताव मन के अनुमोदन करे गीस। ये प्रस्ताव खनिज साधन विभाग अऊ छत्तीसगढ़ राज्य खनिज विकास निगम के कई ठन परियोजना मन ले संबंधित हे।
राज्य शासन ल हरेक बछर खनिज राजस्व ले प्राप्त होवइया राशि म ले 5 प्रतिशत राशि खनिज विकास निधि म रखथे, जेखर उपयोग प्रदेश म खनिज मन के विकास अऊ नवा खनिज क्षेत्र मन के खोज आदि म करे जाथे। बैठक म स्वीकृत प्रस्ताव मन उपर केरवा कोल ब्लाक, आयरन डिपाजिट -4 के विकास, बाक्साइट के नवा क्षेत्र मन के खोज, खनिज के सर्वेक्षण अऊ खनिज गतिविधि मन बर संचालित ऑनलाइन खनिज पोर्टल ल अपग्रेड करे के प्रस्ताव सामिल हे।
बैठक म मुख्य सचिव श्री अमिताभ जैन, मुख्यमंत्री के सचिव श्री सिद्धार्थ कोमल सिंह परदेशी, खनिज साधन विभाग के सचिव श्री अन्बलगन पी., वित्त विभाग के सचिव श्रीमती अलरमेलमंगई डी., छत्तीसगढ़ राज्य खनिज विकास निगम के मुख्य महाप्रबंधक श्री जे.के.पशीने, खनिज साधन विभाग के अपर संचालक श्री महेश बाबू उपस्थित रहिन।