मिनी राईस मिल खुले से महिला मन बनत हे आत्मनिर्भर

रायपुर, 29 अगस्त 2023
गांव के महिला मन घलो अब आत्मनिर्भर बन के परिवार ल आर्थिक सहायता करे ब आघू आवत हे। जिला के बस्तर ब्लॉक अंतर्गत तारागांव निवासी सोमारी मौर्य ह अपन गांव म ही मिनी राईस मिल खोल के अबड़ खुश हे। गांव वाले घलो अब मिनी राईस मिल में अपन धान कुटवाए ब आवत हे। सोमारी मौर्य ह अपन अनुभव साझा करत हुए बताइस कि ग्रामीण आजीविका मिशन के सहायता ले गांव में ही मिनी राईस मिल खोल के अब आर्थिक रूप से सक्षम बन के अपन परिवार के तकदीर बदलत हे।
सोमारी ह बताइस कि स्व सहायता समूह के क्लस्टर बैठक के दौरान अपन सोच ल साझा कर ए बारे में सलाह घलो लिस। समीपवर्ती गांव के ग्रामीण मन के जरूरत के अनुसार स्थानीय स्तर म मिनी राईस मिल स्थापित करे ले मार्गदर्शन मिलिस। सोमारी ह ए बारे में घर के सदस्य मन ल घलो अवगत कराइस त उमन घलो ए संबंध में सहमत हो गइस। सोमारी ह ए दिशा में समूह के बैंक लिंकेज के 50 हजार रुपिया ऋण लेके व्यवसाय सम्बन्धी 3 दिवसीय प्रशिक्षण घलो लिस। एकर पश्चात ओ ह अपन घर म ही मिनी राईस मिल स्थापित कर के किसान अउ ग्रामीण मन के धान के मिलिंग सुरू करिस। एकर से ग्रामीण मन ल घलो स्थानीय स्तर म धान मिलिंग के सुविधा मिलिस। सोमारी अपन व मिनी राईस मिल के समुचित संचालन कर के हर महीना 8 ले 10 हजार रुपिया आमदनी अर्जित करत हे अउ अपन लईका मन के पढ़ाई के संग पालन-पोषण म घलो ध्यान देवत हे।