CHHATTISGARHI NEWS: सरगुजा, मुख्यमंत्री श्री विष्णु देव साय के अगुवइ मां राज्य सरकार श्रमिक परिवार मन के कल्याण अउ महतारी मन ल सशक्त बनाए बर सरलग काम करत हे। ए कड़ी मां श्रम विभाग के मिनीमाता महतारी जतन योजना श्रमिक महिला मन बर बड़े सहारा बनके अघुवाए हे। ए योजना के तहत सरगुजा जिला के अम्बिकापुर विकासखंड अंतर्गत ग्राम भिट्टिकला (ढोढ़ीपारा) के रहइया श्रमिक लीलावती ल 20 हजार रुपिया के आर्थिक सहायता मिले हे।
दू लइका मन के महतारी लीलावती ह बताइस के सीमित आय मां लइका मन के देखभाल अउ जरूरत ल पूरा करना कठिन रहिस। फेर ए 20 हजार रुपिया के राशि ले ओ ह अपन लइका मन के सुघर खान-पान, देखभाल अउ पालन-पोषण ल आसानी ले कर पाही। योजना ले मिले राहत बर लीलावती ह मुख्यमंत्री श्री विष्णु देव साय के आभार जताइस। ए योजना ह श्रमिक परिवार मन मां मातृत्व अउ शिशु देखभाल ल बढ़ावा देहे के संग ओमन ल सामाजिक अउ आर्थिक रूप ले मजबूत बनावत हे।
मिनीमाता महतारी जतन योजना ले श्रमिक महतारी लीलावती ल मिलीस 20 हजार के आर्थिक संबल
