श्रमिक मन के मुस्कान बनिस मिनीमाता महतारी जतन योजना

ठाकुरबांधा के ललिता चंद्रवंशी ल मिलीस 20 हजार रुपिया के लाभ
शासन ले महिला श्रमिक मन ल मातृत्व के समय मिलत हे आर्थिक सहयोग अऊ सुरक्षा
मोहला  मानपुर अम्बागढ़ चौकी, श्रमिक हमार समाज के वो मजबूत नींव हे, जिकर से विकास के इमारत खड़े होथे। एकरे सेती शासन ह श्रमिक मन के सामाजिक सुरक्षा अऊ सशक्तिकरण खातिर बहुत अकन योजना संचालित करे जात हे। इही योजना मन म ले एक हे मिनीमाता महतारी जतन योजना, जे ह  मोहला  मानपुर अम्बागढ़ चौकी जिला के महिला श्रमिक मन के जीवन म खुसी के रंग भर देहे हे।
अंबागढ़ चौकी विकासखंड के ग्राम ठाकुरबांधा के रहवइया श्रीमती ललिता चंद्रवंशी श्रम विभाग के अंतर्गत छत्तीसगढ़ भवन अऊ आन सन्निर्माण कर्मकार कल्याण मंडल म पंजीकृत श्रमिक हे। हाले म ओ ल ए योजना के तहत  20 हजार रुपिया देहे गए। ये सहायता राशि महिला श्रमिक मन ल मातृत्व अवधि के समय आर्थिक सहयोग अऊ सुरक्षा देहे के उद्देश्य ले देहे जाथे। योजना अंतर्गत मंडल म कम से कम एक साल ले पंजीकृत महिला श्रमिक ल लइका के जन्म के 90 दिन के भीतर आवेदन करे म ये लाभ प्राप्त होथे। ललिता चंद्रवंशी ह बताइस के ए राशि ले ओ ल नवजात के देखभाल अऊ जरूरी खर्च म काफी सहूलियत मिले हे।