मुख्यमंत्री श्री साय ह छत्तीसगढ़ के पहिली महिला सांसद अऊ समाज सेविका मिनीमाता के पुण्यतिथि म उमन ल करिन नमन

रायपुर, मुख्यमंत्री श्री विष्णुदेव साय ह छत्तीसगढ़ के पहिली महिला सांसद अऊ समाजसेविका स्वर्गीय मिनीमाता जी के पुण्यतिथि म ओ मन ल नमन करे हें। मुख्यमंत्री श्री साय ह कहिन के मिनीमाता जी ह अपन पूरा जीवन समाज के वंचित वर्ग, महिला, दलित अऊ गरीब मन के अधिकार के रक्षा अऊ उत्थान बर समर्पित करे रहिन।
मुख्यमंत्री श्री साय ह कहिन के मिनीमाता जी ह सामाजिक कुरीति, बाल विवाह, दहेज प्रथा अऊ छुआछूत जइसे बुराइ मन के खिलाफ दृढ़ता ले आवाज़ उठाइन अऊ संसद म रहत कई महत्वपूर्ण सामाजिक सुधार मन के दिशा म उल्लेखनीय योगदान दीन। उंखर कार्यशैली म हमेशा सेवा, सरलता अऊ संवेदनशीलता झलकत रहिस।
मुख्यमंत्री श्री साय ह कहिन के मिनीमाता जी के जीवन संघर्ष अऊ सेवा के अद्वितीय उदाहरण हे, जेन अवइया पीढ़ि मन ल समाज म समानता, न्याय अऊ भाईचारा के दिशा म काम करे बर प्रेरित करत रइही। उमन सबो ले आह्वान करिन के हम सब मिलके ऊंखर आदर्श मन ल अपनावन अऊ एक न्यायपूर्ण अऊ समावेशी समाज के निर्माण म योगदान देवन।