दिल्ली, 22 मई 2021। कोविड-19 महामारी के ये दौर म जिहां देश एखर दुसर लहर ले जूझत हे, भारत सरकार के श्रम अऊ रोजगार मंत्रालय ह केंद्र के दायरा के अनुसूचित रोजगार ले जुड़े कर्मचारी मन ल एक बड़का राहत देवत परिवर्तनीय महंगाई भत्ता (वीडीए) के दर ल बदले के अधिसूचना जारी करे हे। वीडीए म बदलाव 1 अपरेल, 2021 ले लागू होही।
वीडीए म संशोधन श्रम ब्यूरो कोति ले संकलित औद्योगिक श्रमिक मन के औसत उपभोक्ता मूल्य सूचकांक के आधार म करे जाथे। ये नवा वीडीए संशोधन बर जुलाई ले दिसंबर 2020 के महीना बर औसत सीपीआई-आईडब्ल्यू के उपयोग करे गए रहिस हे।
केंद्रीय श्रम अऊ रोजगार मंत्री श्री संतोष गंगवार ह कहिन, “ये कदम ले देश के उन करीब 1.50 करोड़ श्रमिक मन ल लाभ मिलही जेन केंद्र सरकार के कई ठन अनुसूचित रोजगार ले जुड़े हें। वीडीए म बढ़ोतरी ले ओ मन ल ये महामारी के मुश्किल बेरा म सहारा मिलही।”
