आखरी मनखे तक विकास पहुंचाए बर योजना मन के लउहे लाभ पहुचावव: मंत्री गुरु रूद्रकुमार

रायपुर, 28 जून 2021। ग्रामोद्योग मंत्री गुरू रूद्रकुमार ह कहिन कि मुख्यमंत्री श्री भूपेश बघेल के मंशा के मुताबिक प्रदेश के आखरी छोर के आखरी मनखे तक विकास कार्य मन ल पहुंचाए बर शासन के योजना मन के क्रियान्वयन म तेजी लाए जाए। ग्रामीण क्षेत्र मन म प्राथमिकता के संग अधोसंचाना निर्माण के काम सुनिश्चित होवय। कोरोना के तीसर लहर के संभावना ल ध्यान म रखत खुद, परिवार अउर ग्राम पंचायत मन ल सुरक्षित रखे शासन के गाइडलाईन के पालन करे जाए। राज्य सरकार मनखे मन के स्वास्थ्य ल सुरक्षित रखे संग ओ मन ल मूल-भूत सुविधा प्रदान करे बर हर संभव प्रयास करत हे। कोरोना महामारी के विकट परिस्थिति मन म घलोक मुख्यमंत्री श्री भूपेश बघेल के सरकार ह प्रदेश के अर्थिक स्थिति ल बेहतर बनाए रखे हे। प्रदेश के किसान, गरीब अऊ व्यापारी मन के हित म लेहे गए नीतिगत फैसला मन ले सरलग आगू बढ़त हें। मंत्री गुरू रूद्रकुमार धमधा विकासखण्ड के ग्राम कोड़िया म आयोजित जिला दुर्ग सरपंच संघ के कार्यक्रम ल संबोधित करत रहिन।