गर्मी म काम म लगे पुलिस कर्मी मन, सफाई कर्मी मन, मजदूर मन अऊ जरूरतमंद 30 हजार मनखे मन तक राहत पहुंचाए के उदीम
रायपुर 12 अपरेल 2020। महिला अउ बाल विकास अऊ समाज कल्याण मंत्री श्रीमती अनिला भेंड़िया ह आज राजधानी के राजातालाब स्थित अपन निवास ले बढ़त गरमी ल देखत काम म लगे पुलिस कर्मी मन, सफाई कर्मी मन, मजदूर मन अऊ जरूरतमंद 30 हजार मनखे मन तक, मही बांटे बर गाड़ी ल हरियर झण्डी देखाके रवाना करिन। ये गाड़ी राजधानी के सबो वार्ड मन म मसाला मही बांटही जेखर से मनखे मन ल गर्मी म राहत मिल सकय। एखर शुरूआत श्रीमती भेंड़िया ह अपन निज स्टॉफ म लगे पुलिस कर्मी अऊ आस-पास के कर्मी मनल मही बांट कर के करिन। व्यवसायी अऊ समाज सेवी श्री शुभम अग्रवाल ह वितरण बर 30 हजार छाछ के पैकेट उपलब्ध कराए हें। ये बेरा म नगर निगम के सभापति अऊ पूर्व महापौर श्री प्रमोद दुबे घलोक उपस्थित रहिन।