शहर मन के विकास बर नइ होवय पईसा के कमी : श्री अरुण साव

रायपुर, 8 जुलाई 2024। उप मुख्यमंत्री अउ नगरीय प्रशासन अउ विकास मंत्री श्री अरुण साव ह आज बेलतरा विधानसभा क्षेत्र के अंतर्गत नगर निगम क्षेत्र म सामिल वार्ड मन के विकास बर 14 करोड़ 73 लाख रुपिया के 94 विकास काम मन के शिलान्यास अउ भूमिपूजन करिन। बिलासपुर के जिला खेल परिसर म आयोजित समारोह के अध्यक्षता विधायक श्री सुशांत शुक्ला ह करिन। उप मुख्यमंत्री श्री साव के पहल अऊ विधायक श्री शुक्ला के विशेष उदीम ले 15वें वित्त आयोग, अधोसंरचना मद अउ निकाय मद के अंतर्गत ये विकास काम स्वीकृत करे गए हे। अधिकांश स्वीकृत काम सीसी रोड, नाली निर्माण अउ स्ट्रीट लाइट ले संबंधित हे। उप मुख्यमंत्री श्री साव अउ विधायक श्री शुक्ला ह ‘एक पेड़ मां के नाम’ अभियान के अंतर्गत खेल परिसर म नीम के पौधा घलोक लगाइन।