बालोद, 09 अप्रैल 2020। महिला अउ बाल विकास अऊ समाज कल्याण मंत्री श्रीमती अनिला भेंडि़या ह आज बालोद म समाज कल्याण विभाग कोति ले संचालित वृद्धाश्रम, तहसील कार्यालय अऊ डौंडीलोहारा के अनाज बैंक के व्यवस्था मन के जायजा लीन। वृद्धाश्रम म श्रीमती भेंडिया ह सियान मन ल फल बांटिन अऊ ऊंखर स्वास्थ्य अऊ उहां मिलइया भोजन अऊ आन सुविधा मन के जानकारी लीन।
श्रीमती भेंडि़या ल सियान मन ह बताइन के वृद्धाश्रम म अभी हाल म 11 महिला अऊ सात पुरूष संग 18 वृद्धजन रहत हें। ओ मन ल भोजन, पानी, दवाई के सबो सुविधा मिलत हे। संगेच श्रीमती भेंडिया ह तहसील कार्यालय बालोद अऊ डौण्डीलोहारा म स्थापित ‘‘अनाज बैंक‘‘ के घलोक अवलोकन करके अनाज बैंक मन म उपलब्ध राशन मन के अऊ जरूरतमंद परिवार मन ल उपलब्ध कराए जात राशन के जानकारी लीन। अपर कलेक्टर श्री ए.के.बाजपेयी ह बताइस के जिला के सबो तहसील कार्यालय मन म अनाज बैंक स्थापित हे। अनाज बैंक मन म चावल, दाल, आटा, आलू, प्याज, हरी सब्जी, साबुन, नमक, मसाला आदि दानदाता मन ले सरलग मिलत हे, जऊन ल जरूरतमंद परिवार ल जरूरत के मुताबिक देहे जात हे। ये बेरा म पार्षद श्री योगराज भारती, संग आन जिला स्तरीय अधिकारी, कर्मचारी मौजूद रहिन।