नाबालिग ल बिहाव के प्रलोभन देके दैहिक शोषण करइया आरोपी गिरफ्तार

गुंडरदेही,10 अक्टूबर 2020 । नाबालिग लड़की ल बहला फुसला के भगा के लेगे के मामला थाना छुईखदान म आगु आय हे। छुईखदान थाना निवासी एक युवक ल गिरफ्तार करे गिस। मामला पीछू 7 अक्टूबर 2019 के अर्जुन देवार उम्र 21 वर्ष छुईखदान जिला राजनांदगांव द्वारा अर्जुंदा थाना अंतर्गत निवासी नाबालिग पीड़िता ल बहला-फुसला के शादी के प्रलोभन दे के भगा के ले जाके तकरीबन 1 वर्ष तक दैहिक शोषण करे के मामला हरे। प्रार्थिया नाबालिग होय ले पीड़िता के पिता द्वारा रिपोर्ट गुम इंसान कायम कर के प्रथम दृष्टया अपराध क्रमांक 191 / 2020 धारा 383 भारतीय दंड विधान कायम कर विवेचना कार्रवाई म लाय गेहे। मामला म पुलिस अधीक्षक बालोद जितेंद्र सिंह मीणा, अतिरिक्त पुलिस अधीक्षक डीआर पोर्ते के मार्गदर्शन उप पुलिस अधीक्षक दिनेश सिन्हा के नेतृत्व म थाना प्रभारी अर्जुंदा कुमार गौरव साहू, सहायक उप निरीक्षक देव कुमार कोर्राम, आरक्षक प्यारे लाल साहू, लीलेशवरी देवांगन के एक टीम गठित करके तत्काल कार्रवाई करत हुए छुईखदान जिला राजनांदगांव ले आरोपी के पास ले नाबालिग लड़की ल बरामद करे गेहे। आरोपी उपर विभिन्न धारा के तहत गिरफ्तार कर सत्र न्यायालय बालोद म प्रस्तुत करके न्यायिक रिमांड म बालोद जेल भेजे गेहे।