मुख्यमंत्री श्री भूपेश बघेल के घर पहुंचिस मितान करिस ओकर नाती के आधार पंजीयन

एक कॉल म सुविधा मिले से जताइस संतोष 
रायपुर, 24 जून 2023
मुख्यमंत्री श्री भूपेश बघेल ह खुद मुख्यमंत्री मितान योजना के लाभ उठाइस। ओ ह अपन नाती के आधार कार्ड बनवाए ब मितान के टोल फ्री नंबर 14545 म कॉल कर के आधार कार्ड ब रजिस्ट्रेशन कराइस। जेकर बाद मुख्यमंत्री के घर मितान प्रतिनिधि जरूरी प्रक्रिया करे ब पहुंचिस अउ नाती के आधार कार्ड ब पंजीयन करिस। मुख्यमंत्री ह सुविधा मिले ले संतोष जताइस हे।
मुख्यमंत्री श्री भूपेश बघेल ह आम नागरिक मन के सहूलियत ल धयान म रखत हुए घर बईठे प्रमाण पत्र अउ आवश्यक शासकीय दस्तावेज बनवाए ब प्रदेश कस 14 नगरनिगम म लागू ‘‘मुख्यमंत्री मितान योजना‘‘ के विस्तार करत हुए एला प्रदेश के जम्मो 44 नगर पालिका म लागू करे के बडे निर्णय लिए हे। 
ए योजना के लोकप्रियता के अंदाजा इही बात ले लगाय जा सकत हे कि 01 मई 2022 ले लागू ए योजना के लाभ अभी तक 97 हजार ले जादा नागरिक मन ले डारे हे। मुख्यमंत्री के पहल म के योजना के लागू होए के गए ले नागरिक मन ल जरूरी प्रमाण पत्र अउ शासकीय दस्तावेज बनवाए ब नगर निगम, तहसील अउ आने सरकारी कार्यालय के चक्कर लगाए के आवश्यकता नई रह गए हे। योजना के लागू होए ले वरिष्ठ नागरिक, दिव्यांगजन, मजदूर, किसान, महिला  मन ल आम नागरिक मन ल बने सहूलियत हो गए हे। 

जन्म प्रमाण पत्र, राशन कार्ड समेत कई प्रकार के दस्तावेज कराए जाथ हे उपलब्ध 
मितान योजना के अंतर्गत घर बईठे मूल निवासी प्रमाण पत्र, अनुसूचित जाति जनजाति प्रमाण पत्र, अन्य पिछड़ा वर्ग प्रमाण पत्र, आय प्रमाण पत्र, भूमि की रिकार्ड की नकल, मृत्यु प्रमाण पत्र, विवाह पंजीकरण अउ प्रमाण पत्र, जन्म प्रमाण पत्र, जन्म प्रमाण पत्र सुधार अउ दुकान अउ स्थापना पंजीकरण संबंधी दस्तावेज मितान सेवा ले प्राप्त करे जा सकत हे। अउ इसने मृत्यु प्रमाण पत्र सुधार, विवाह प्रमाण पत्र सुधार, आधार कार्ड पंजीकरण, (5 बछर तक के लइका मन के) आधार कार्ड म पता अउ मोबाइल नंबर म सुधार, नवा राशन कार्ड बनवाए, राशन कार्ड ट्रांसफर/सरेंडर, राशन कार्ड सुधार, नवा राशन कार्ड एपीएल, राशन कार्ड गुम केस, राशन कार्ड म नाम जोड़ना/काटना, नवा बीपीएल राशन कार्ड बनवाए के सुविधा ए योजना के तहत प्रदान करे जाथ हे। 
जनता मन ल मुख्यमंत्री मितान योजना ले लाभान्वित होए ब योजना के टोल-फ्री नंबर 14545 म कॉल करे ल होथे। तेकर गए हे अप्वाइंटमेंट बुक कराए जाथे। तय समय अउ तारीख के दिन मितान आवेदक के घर पहुंचके आवश्यक दस्तावेज प्राप्त करथे अउ टैबलेट के माध्यम ले दस्तावेज ल सत्यापित कर पोर्टल म अपलोड करथे। एकर बाद सत्यापित दस्तावेज ल संबंधित विभाग ल ऑनलाइन भेजे जाथे जे आवेदक ले संबंधित दस्तावेज के समीक्षा के बाद प्रमाण पत्र जारी करथे। प्रमाण पत्र जारी होए के बाद मितान द्वारा प्रमाण पत्र आवेदक के घर पहुंचा दिए जाथे।
Neha Rathore