लइका मन अऊ गर्भवती महिला मन के टीकाकरण करे के लक्ष्य
नारायणपुर, मिशन इंद्रधनुष विशेष टीकाकरण अभियान के दूसरईया चरण 6 जनवरी ले 16 जनवरी तक संचालित होही। ये बेरा म शून्य ले 02 साल उम्मर तक के 20 लइका मन के टीकाकरण करे जाही। जेमां टीकाकरण ले छूटे 20 लइका मन अउ 14 गर्भवती महिला मन ल विषेष अभियान संचालित करके टीकाकरण करे के लक्ष्य निरधारित करे गए हे।
टीकाकरण कार्यकम के उद्देष्य लइका मन अउ गर्भवती दाई मन म होवइया 11 जानलेवा बीमारी, पोलियो, टी.बी. हेपेटाइटिस-बी, काली खांसी, गलघोंटू, टिटेनस, दस्त रोग, निमोनिया, खसरा-रूबेला जइसे गंभीर बीमारी मन ले बचाव करना अऊ शिशु अउ बाल्य मृत्यु दर म आशातीत कमी लाना हे। जिला कलेक्टर श्री पी.एस. एल्मा ह दूसरईया चरण 6 जनवरी ले 16 जनवरी म घलोक मिशन इंद्रधनुष अभियान के जादा ले जादा लाभ लेहे के अपील आम जनता मन ले करे हें। एखरे संगेच उमन चिकित्सा विभाग के अधिकारी मन ले सबो तैयारी बेरा के पहिली ठउका करे संग निरधारित लक्ष्य ल शत-प्रतिशत पूरा के हुकुम देहे हें।