मुख्यमंत्री मितान योजना: घर बइठे जरूरी कागद पाए 62 हजार मनखे मन ह कराइन अपाइंटमेंट बुक

रायपुर, छत्तीसगढ़ शासन के मुख्यमंत्री मितान योजना के तहत शहरी क्षेत्र मन म मनखे मन ल घर बइठे शासकीय सुविधा उपलब्‍ध कराए जात हे। योजना के तहत अब तक करीब 62 हजार मनखे मन ह शासकीय कागद घरे म पाए बर अप्वाइंटमेंट बुक करायें हे। उहें 51 हजार ले जादा नागरिक मन ह घर बइठेच अपन जरूरी शासकीय कागद प्राप्त करे हें। मुख्यमंत्री मितान योजना के अंतर्गत अब तक करीबन 01 लाख 25 हजार ले जादा नागरिक मन ह मितान योजना के टोल फ्री नम्बर 14545 म सम्पर्क करके शासकीय कागद मन ल प्राप्त करे के संबंध म जानकारी हासिल करे हें। मुख्यमंत्री श्री भूपेश बघेल के निर्देशन म व नगरीय प्रशासन विकास विभाग कोति ले नागरिक मन ल सरकारी कागद बनवाए बर घर पहुँच सेवा ’मुख्यमंत्री मितान योजना’ के शुरुआत 01 मई 2022 ले प्रदेश के जम्‍मो 14 नगर निगम मन म चालू करे गए रहिस।