रायपुर, अज मुख्यमंत्री श्री भूपेश बघेल ह मितान योजना के शुभारंभ करिन। ये योजना म घर तक पहुँचाए जाही नागरिक सेवा। अभी पायलट प्रोजेक्ट के तहत 14 नगर निगम मन म घर बइठे मिलही नागरिक सेवा जइसे जन्म प्रमाण पत्र, विवाह, निवास, आय, मृत्यु प्रमाण पत्र अउ आन सेवा अब घरे म मिलही। ए सेवा ल लेहे बर बर मितान के टोल फ्री नम्बर 14545 म करना होही। एकर से सरकारी ऑफिस के चक्कर काटे ले मुक्ति मिलही। मितान योजना के जम्मो प्रक्रिया डिजिटल होही। मितान योजना के शुभारंभ करत मुख्यमंत्री श्री भूपेश बघेल ह कहिन कि ये योजना के माध्यम ले सबो नागरिक विशेषतः सियान, दिव्यांग अउ निरक्षर मन ल घर बइठे आसानी ले कई प्रकार के सेवा मिल सकही।
अभी अभी हाले म 14 नगर निगम म 13 प्रकार के सेवा मिलही, लउहेच पूरा प्रदेश म ये योजना के विस्तार करे जाही अऊ आन सेवा मन ल घलोक ये योजना के माध्यम ले देहे जा सकही। ये योजना के शुरू होए ले सरकारी प्रक्रिया अऊ आसान होही।
मुख्यमंत्री श्री भूपेश बघेल ह मितान योजना के करिन शुभारंभ
