रायपुर, मुख्यमंत्री श्री भूपेश बघेल ले काली राजधानी स्थित निवास कार्यालय म प्रदेश मितानिन संघ अऊ छत्तीसगढ़ मनरेगा कर्मचारी महासंघ के प्रतिनिधि मंडल ह विधायक द्वय श्री गुलाब कमरो अउ श्री यू.डी. मिंज के सियानी म मुलाकात करिन। दुनों संगठन ह मुख्यमंत्री ल अपन मांग के संबंध म ज्ञापन सौंपिन। मुख्यमंत्री ह उंखर मांग मन के संबंध म मुख्य सचिव के अध्यक्षता म कमेटी बनाए ल कहिन। ये कमेटी ए संगठन के मांग मन के परीक्षण करके रिपोट प्रस्तुत करही। ये खातिर प्रतिनिधि मंडल ह मुख्यमंत्री के प्रति आभार व्यक्त करत अपन हड़ताल खतम करे के बात कहीन। ये बेरा म मितानिन संघ के प्रदेश अध्यक्ष श्रीमती सरोह सेंगर, कार्यकारी अध्यक्ष श्रीमती आशा वैष्णव, मनरेगा कर्मचारी महासंघ के प्रदेश प्रांताध्यक्ष श्री चंद्रशेखर अग्निहोत्री उपस्थित रहिन।
मुख्यमंत्री ह मितानिन अऊ मनरेगा कर्मचारी मन के मांग के संबंध म मुख्य सचिव के अध्यक्षता म कमेटी बनाए के दीन हुकुम
