रायपुर, 7 दिसम्बर 2020। स्वास्थ्य अऊ परिवार कल्याण मंत्री टीएस सिंहदेव ह रविवार के बिलासपुर के सिम्स (CIMS) आडिटोरियम म कोविड-19 म महत्वपूर्ण भूमिका निभइया जिला के 438 मितानिन मन के सम्मान करिन। उमन ए अवसर म जिला म मितानिन भवन निर्माण के घोषणा घलो करिन। कार्यक्रम म सिंहदेव ह कहिन कि ग्रामीण अऊ शहरी दुनो क्षेत्र मन म काम करत मितानिन मन ह स्वास्थ्य विभाग के बुनियाद हे। स्वास्थ्य विभाग के आधारभूत जिम्मेदारी मन के निर्वहन मितानिन मन द्वारा करे जावत हे। इंखर कंधा मन म स्वास्थ्य विभाग अपन इमारत खड़े करथे। स्वास्थ्य मंत्री ह मितानिन मन ल संबोधित करत हुए कहिन कि आप म वो क्षमता हे कि आप एक बेहतर, सुरक्षित अऊ स्वस्थ समाज के निर्माण कर सकत हव। मितानिन मन द्वारा लगातार अपन कर्तव्य मन के निर्वहन बिना कोनो शिकायत के करे जावत हे। कोविड-19 अऊ प्राथमिक स्तर के बीमारी मन ले निपटे के कार्य मितानिन मन ले ही प्रारंभ होथे।
कार्यक्रम म बिलासपुर के विधायक शैलेष पाण्डेय ह अपन उद्बोधन म कहिन कि पिछला 8 महीना ले कोविड-19 महामारी ले लड़े म मितानिन मन ह एक सिपाही के तरह अपन भूूमिका निभाए हे। उमन स्वयं अऊ अपन परिवार के परवाह नई करत हुए बिलासपुर जिला ल सुरक्षित रखे हे। कार्यक्रम म मितानिन मन के संग ही मितानिन टीम के सदस्य मन, बिलासपुर के मुख्य चिकित्सा अऊ स्वास्थ्य अधिकारी डाॅ. प्रमोद महाजन, छ.ग. आयुर्विज्ञान संस्थान (सिम्स) के डीन डाॅ. तृप्ति नागरिया, सिविल सर्जन सह मुख्य अस्पताल अधीक्षक डाॅ. अनिल गुप्ता, जिला आयुर्वेद अधिकारी डाॅ. प्रदीप शुक्ला, डाॅ. पुनीत भारद्वाज, डाॅ. रक्षपाल गुप्ता अऊ कोविड-19 के नियंत्रण म महत्वपूर्ण भूमिका निभइया चिकित्सक मन अऊ अन्य कर्मचारी मन ल घलो प्रशस्ति पत्र प्रदान करके सम्मानित करे गिस। कार्यक्रम म बिलासपुर नगर निगम के सभापति शेख नजरूद्दीन, जिला पंचायत के अध्यक्ष अरूण सिंह चौहान, संभागायुक्त डाॅ. संजय अलंग, नगर निगम कमिश्नर प्रभाकर पाण्डेय अऊ जिला पंचायत के मुख्य कार्यपालन अधिकारी गजेन्द्र सिंह ठाकुर घलो मौजूद रिहिन।