मनरेगा ले रोजगार देहे म रायगढ़ प्रदेश म अव्वल

रइपुर, 18 अगस्त 2021 बुधवार। महात्मा गांधी नरेगा योजना म लक्ष्य म शत-प्रतिशत रोजगार देवइया रायगढ़ जिला प्रदेश म अव्वल हावय। जिला ल वित्तीय बछर 2021-22 बर मिले लक्ष्य 35.53 लाख मनखे दिन के विरूद्ध 35.58 लाख मनखे दिन पा ले हवय जउन ह लक्ष्य के 100.14 प्रतिशत हे, जनपद पंचायत बरमकेला ह लक्ष्य 4.31 लाख के विरूद्ध 5.52 लाख, धरमजयगढ़ ह लक्ष्य 4.85 लाख के विरूद्ध 3.98 लाख, घरघोडा ह लक्ष्य 2.03 लाख के विरूद्ध 2.05 लाख, खरसिया ह लक्ष्य 4.26 लाख के विरूद्ध 3.61 लाख, लैलुंगा ह लक्ष्य 4.26 लाख के विरूद्ध 3.17 लाख, पुसौर ह लक्ष्य 4.31 लाख के विरूद्ध 4.77 लाख, रायगढ़ ह लक्ष्य 3.05 लाख के विरूद्ध 2.26 लाख, सारंगढ़ ह लक्ष्य 5.31 लाख के विरूद्ध 8.84 लाख, तमनार ह लक्ष्य 2.03 लाख के विरूद्ध 1.58 लाख मानव दिवस अर्जित करे हावय। महात्मा गांधी नरेगा अंतर्गत जिला म आवश्यकता के अनुरूप पर्याप्त बूता स्वीकृत करे गे हवय जइसे नवा तरिया निर्माण, तरिया गहरीकरण बूता, भूमि सुधार बूता, डबरी कोड़ई, कुंआ कोड़ई, मिट्टी सड़क बनई, गाय, कुकरी अउ छेरी कोठा बनई जउन मनरेगा के तहत स्वीकृति योग्य हे वो सबो बूता मन ल अधिकतर मात्रा म स्वीकृत करे गे हवय। ओकर सेति पांचे महीना म लक्ष्य ल पा ले हवय।