सरगुजा/अम्बिकापुर, सरगुजा जिला के अम्बिकापुर ब्लॉक के ग्राम कुम्हरता के रहइया सूरत कुमारी के जिनगी ‘मनरेगा योजना’ ह बदल देहे हे। पहिली सूरत कुमारी करा 3 एकड़ खेत तो रिहिस फेर पानी के कमी के सेती सिरिफ बरसात म धान के खेती हो पावत रिहिस। बाकी समय खेत सूक्खा परिया परे रहय।
फेर जब ओला मनरेगा के जानकारी मिलिस, त ओ ह अपन खेत म डबरी (तलाब) खनवाइस। सरकार डहर ले डबरी बनाय बर ओला साल 2024-25 म 2.99 लाख रूपिया मंजूर होइस। ये काम ले गाँव के लोगन ला 1231 दिन के रोजगार घलो मिलिस।
एक तीर ले दू शिकार:
अभी डबरी म 6 फीट पानी भरे हे, जेकर सेती अब वो साल भर गेंहू, राहेर अउ साग-भाजी लगावत हे। अतकेच नहीं, डबरी म मछली पालन घलो शुरू कर दे हे, जेकर ले अलग से कमाई होवत हे। सूरत कुमारी सरकार ला धन्यवाद देवात कहत हे के डबरी ह ओकर गरीबी दूर कर दिस अउ अब वो दूसर किसान मन ला घलो ए योजना के फायदा लेहे बर समझावत हे।
